SAN VALENTIN - Roberto Tosoratti

Roberto Tosoratti
scritti d'istanti
Vai ai contenuti

Menu principale:

SAN VALENTIN

Ce fieste vuê ai 14 di Fevrâr
ator pes buteghis a cirî un regâl.
Di tant ch'o pensi, di tant ch'o ziri,
nie nol sarès se no banâl.

O cjolarès
il diamant plui biel,
ma nol larès nancje dongje
al to valôr.

O cjolarès
tantis di chês rosis
di cuvierziti, ma nissune
e sarès biele come te.

O cîr di cjoliti
alc par maraveâti,
cemût che tu
tu mi maraveis ogni dì.

O cîr alc di puartâti
par no sei cence nie in man
par čhapâ fuarce cuant che ti disarai:
tu, tu sês
plui di ce che o puès dâti,
tu, tu sês
plui di ce che o puès dîti,
parcè che no ti ami
di cuant che ti ai viodude
par la prime volte,
ma la prime volte
che ti ai viodude
o ai capît
che ti amavi di simpri.
Copyright2017 - Roberto Tosoratti - IRIS
Torna ai contenuti | Torna al menu